2 posts tagged with "кітап жазу"

2019 жылдан бері кәсіби түрде подкастиңмен айналысамын. 2023 жылдан бастап уеб-бағдарламалауды меңгеруді бастадым. Соңғы кезде подкастиңге уақыт аз болып жүргені рас. Мен саналы түрде подкастарымды жариялауды азайтып, бағдарламалауға көбірек уақыт бөліп жүрмін.

Осыдан бір ай бұрын "Қазақстан подкастиңін қорғап, оны көпшілікке тарату жолында істей алғанымша істедім ғой, енді болар" деген ойға келгенмін. Оған себеп болған QazPodcast-тың "Соңғы жорық" деген эпизодында баяндалған оқиға. Бірақ, Құдай оңдап, психологым қолдап, бұл белестен жаңа бір жол таба алғандаймын.

Бұрыннан бері ойлап жүрген бір іс ол подкастиң туралы кітап жазу. Осы ойымды іске асыру үшін биыл нақты қадамдар жасап бастадым. Ең алдымен Git бойынша кіріспе курстан өттім. Сосын GitHub-та сол кітапқа арнап private репозиторий аштым. Енді кітапқа қатысты барлығын сол жерге жазып, жүктеп жүрмін.

Git туралы курсты оқып бастағанда мен ол тек қана бағдарламашыларға арналған құрал екен деп ойлағанмын. Сосын түсінгенімдей Git-ті кез келген адам өз қажетіне байланысты бейімдей алады екен. Гитхабта кітап жазудың қандай жақсы жақтары бар?